চিতলমাছৰ লগত তেতেলি টেঙা জোল - নিলাক্ষী বৰা

একেবাৰে সাধাৰণ ভাৱে আৰু সহজতে লগতে কম সামগ্ৰী ত বনোৱা এই মাছৰ জোল খাবলৈ কিন্তু বহুত সোৱাদ হয় এইবাৰ বনাই খালেহে গম পাব |

চিতলমাছৰ লগত তেতেলি টেঙা জোল

মই দুজনৰ বাবে বনাইছো

সামগ্ৰী-

• কেচাতেতেলীৰ চাৰিটা চিৰা
• মাছ দুটুকুৰা
• পাচপূৰণ কেইটামান
• মিঠাতেল তিনিচামুচ
• নিমখ, প্ৰয়োজন অনুসৰি
• হালধি জোখমতে
• ধনীয়া পাত এমুঠি
• পানী তিনিকাপ
• কেচাজলকীয়া তিনিটা

প্ৰণালী-

1. তেতেলীৰ বাকলি এৰুৱাই লগতে গুটি গুচাই লব |
2.  তেতেলী খিনিৰ পেস্ট বনাই লৱ |
3. এটা কেৰাহী গৰম কৰি মিঠাতেল দি মাছ দুটুকুৰা ত নিমখ হালধি সানি ভাজি লব |
4. ৰৈ যোৱা সেই তেলতে পাচপূৰণ দি  অকণমান ৰঙচুৱা কৰি তেতেলীৰ পেস্ট খিনি দি একমিনিট মান লৰাই তাতে নিমখ, হালধি জলকীয়া সকলো দি গৰম পানী দিব|
5.  উতল আহিলে মাছ দি পুনৰ আকৌ উতলাই ধনীয়া পাত দি নমাই পৰিবেশন কৰিব|